საერთაშორისო პროტოკოლის ტრადიციის მიხედვით, იმ შემთხვევებში, როდესაც აუცლებელია ჩამონათვალში შესულ ორგანიზაციათა (ადამიანთა) თანასწორი სტატუსის ხაზგასმა, თანამიმდევრობა ანბანის მიხედვით განისაზღვრება. მაგალითად ორგანიზაცია, რომლის სახელწოდებაც „გ“-ზე იწყება, სიაში მესამე ადგილზე მოხვდება და ასე შემდეგ.

შევსებული კითხვარის გამოგზავნა საიტზე განსათავსებლად ნებისმიერ არჩევნებში მონაწილე პოლიტიკურ ორგანიზაციას შეეძლო. საიტის შექმნის თაობაზე ღიად გამოცხადდა მედიის სხვადასხვა საშუალებებით. შევსებული კითხვარის გამოგზავნა შესაძლებელია 24 სექტემბრამდე.

პოლიტიკური პარტიებს ჰქონდათ შესაძლებლობა არ ეპასუხათ ზოგიერთი შეკითხვისათვის.

ნებისმიერ პოლიტიკურ პარტიას ან საარჩევნო კოალიციას, რომელიც მონაწილობას მიიღებს 2012 წლის საპარლამენტო არჩევნებში შეუძლია განათავსოს მისი პროგრამა საიტზე. ამისათვის შევსებული კითხვარი (ჩამოტვირთეთ) გამოაგზავნეთ შემდეგ მისამართზე: questions@partiebi.ge

ნიდერლანდების ინსტიტუტი მრავალპარტიული დემოკრატიისათვის მხარს უჭერს საქართველოს პოლიტიკური სისტემის  შემდგომ დემოკრატიზაციას და პოლიტიკური პარტიების ორგანიზაციულ გაძლიერებას, ვინაიდან დემოკრატიული და სიცოცხლისუნარიანი პოლიტიკური პარტიების გარეშე შეუძებელია დემოკრატიული  პოლიტიკური სისტემის ფორმირება. ამ საიტის მიზანია ერთის მხრივ, საზოგადოებას გააცნოს 2012 წლის საპარლამენტო არჩევნებში მონაწილე პარტიების ხედვები საზოგადოებისათვის მნიშვნელოვან საკითხებზე, ხოლო მეორეს მხრივ, წაახალისოს კონკრეტულ სამოქმედო გეგმებზე ორიენტირებული, ინფორმირებული პოლიტიკური დისკუსია.