საქართველოს ლეიბორისტული პარტია - სოციალური უსაფრთხოება
ოჯახი, როგორც სახელმწიფოს საფუძველი, აღიარებული იქნება იურიდიულ პირად და გაეხსნება საბანკო ანგარიში. ახალდაქორწინებულებისთვის ბიუჯეტიდან გადაირიცხება 3000 ლარი. თითოეული ბავშვის დაბადებისთანავე ოჯახს გადაერიცხება 1500 ლარი.
სასწრაფოდ განახევრდება ტარიფები ელექტროენერგიაზე, გაზზე, ტრანსპორტზე, სატელეფონო კავშირებზე და სხვა კომუნალურ გადასახადებზე.
დაუყოვნებლივ გაუქმდება ყოველგვარი კოლექტიური მრიცხველი.
ვიღებთ ვალდებულებას ჩვენი სახელოვანი ვეტერანების წინაშე და მათ მიმართ დაუყოვნებლივ განვახორციელებთ ყველა ტიპის სოციალურ დახმარებასა და შეღავათებს.
გადაუდებლად აღვუდგენთ სოციალურ დახმარებასა და შეღავათებს რეპრესირებულთა ოჯახებს.
გადაუდებლად დაიწყება ანაბრების გაცემა ეტაპობრივად, პრინციპით - უფროსი ასაკიდან ქვემოთ სამართლიანი კურსით (ბანკში ანაბრის შეტანის მომენტისთვის დაფიქსირებული აშშ დოლარის კურსის შესაბამისად).
უცხოეთში წასული თითოეული ქართველი და, ასევე, აქ დარჩენილი მისი ოჯახი და საკუთრება იქნება სახელმწიფოს მთავარი საზრუნავი.
