ჩვენი უმთავრესი მიზანია საქართველოს ევროპულ და ევროატლანტიკურ სტრუქტურებში გაერთიანება; ამავე დროს, საქართველო კოლექტიური უსაფრთხოების სისტემაში უნდა იყოს არა მხოლოდ ბენეფიციარი - ჩვენმა ქვეყანამ არა მარტო უნდა ისარგებლოს ნატოს სიკეთით, არამედ თვითონაც შეიტანოს თავისი წონადი წვლილი ბლოკის გაძლიერებაში.
ამ მიზნით მნიშვნელოვანია:
- თანამშრომლობა ამერიკის შეერთებულ შტატებთან, როგორც ქვეყნის უმნიშვნელოვანეს სტრატეგიულ პარტნიორთან, რომელიც აქტიურად უჭერს მხარს ჩვენი ქვეყნის სუვერენიტეტსა და ტერიტორიულ მთლიანობას, ქვეყანაში ძლიერი დემოკრატიული ინსტიტუტების ჩამოყალიბებას, საბაზრო ეკონომიკის განვითარებას;
- ევროპის ქვეყნებთან თანამშრომლობა, ევროპულ ოჯახში ადგილის დამკვიდრება, აქტიური მონაწილეობა ევროპაში უსაფრთხოებისა და სტაბილურობის განმტკიცების პროცესში.
