საქართველოსთვის სახელმწიფო მოწყობის საუკეთესო მოდელია ბალანსი სახელისუფლებო შტოებს (საკანონმდებლო, აღმასრულებელი, სასამართლო ხელისუფლება) შორის, ძლიერი არბიტრის პირობებში. ამისათვის ყველაზე შესაფერისია საპარლამენტო მონარქიის მოდელი, თუმცა ეს სისტემა უახლოეს პერიოდში მიუღწეველია, ამიტომ ამ ეტაპზე მხარს ვუჭერთ საპარლამენტო რესპუბლიკას პირდაპირი წესით არჩეული პრეზიდენტით. უნდა გაძლიერდეს პარლამენტის უფლებამოსილებები და კონტროლი აღმასრულებელ ხელისუფლებაზე. ამისათვის:

• დღეს არსებული 60 %-ის ნაცვლად, პარლამენტს უნდა შეეძლოს მთავრობისთვის უნდობლობის გამოცხადება სიითი უმრავლესობით;
• საგამოძიებო კომისიის შექმნა შესაძლებელი უნდა იყოს პარლამენტის 1/5-ის მოთხოვნით, დადგენილების გარეშე, რათა არ იყოს საჭირო უმრავლესობის თანხმობა ამ გადაწყვეტილების მისაღებად.