ინფლაციის დადგენილი მაჩვენებელი დაემყარება რეალურ გათვლებს და გახდება საქართველოს ეროვნული ბანკის მონეტარული პოლიტიკის გრძელვადიანი მიზნობრივი ორიენტირი;
ფულად-საკრედიტო რეგულირების მიზნით, ეროვნული ბანკი აქტიურად გამოიყენებს მის ხელთ არსებულ მონეტარული რეგულირების ინსტრუმენტებს;
სახელმწიფო ბიუჯეტის დაგეგმვის დროს გათვალისწინებული იქნება მონეტარული სტაბილურობის პრინციპი და ხარჯვითი პოლიტიკა იქნება გეგმაზომიერი;
განისაზღვრება ფულად-საკრედიტო და სავალუტო პოლიტიკის ძირითადი პრიორიტეტები. ფულის მასა იქნება ეროვნული შემოსავლის ზრდის შესაბამისი;
საქართველოს ეროვნული ბანკი გათავისუფლდება პოლიტიკური წნეხისგან, იქნება რეალურად დამოუკიდებელი გადაწყვეტილებების მიღებისას და მისი ძირითადი მიზანი იქნება ქვეყანაში ფასების სტაბილურობის უზრუნველყოფა.
