პოლიტიკური პარტიები პასუხისმგებლობას იღებენ იმ პროგრამებზე, რომლითაც ისინი არჩევნებზე წარდგებიან, მიუხედავად იმისა, ეს კოალიციის ფარგლებში ხდება თუ ინდივიდუალურად. შესაბამისად, ჩვენი ვებ-გვერდი შეადარებს პარტიების პროგრამებსა და ხედვებს იმის მიუხედავად თუ რა ფორმატში მონაწილეობდა ესა თუ ის პარტია არჩევნებში. მაგალითად, თუკი პარტია A 2012 წლის არჩევნებში დამოუკიდებლად იღებდა მონაწილეობას, 2016-ში კი კოალიციურად მონაწილეობს, მისი წლევანდელი წინასაარჩევნო პროგრამა შედარდება მისსავე 2012-წლის პროგრამას.

საერთაშორისო პროტოკოლის ტრადიციის მიხედვით, იმ შემთხვევებში, როდესაც აუცლებელია ჩამონათვალში შესულ პირთა თანასწორი სტატუსის ხაზგასმა, თანამიმდევრობა ანბანის მიხედვით განისაზღვრება. მაგალითად პიროვნება, ვისი გვარიც „გ"-ზე იწყება, სიაში მესამე ადგილზე მოხვდება და ასე შემდეგ.

შევსებული კითხვარის გამოგზავნა ვებ-გვედზე განსათავსებლად, ყველა რეგისტირებულ პოლიტიკურ პარტიას/ბლოკს შეეძლო. ამ ვებ-გვერდის შექმნის თაობაზე ღიად გამოცხადდა სხვადასხვა მედია საშუალებებით.

პოლიტიკურ პარტიებს/ბლოკებს შესაძლებლობა ჰქონდათ არ ეპასუხათ ზოგიერთი შეკითხვისათვის.

ნებისმიერ რეგისტრირებულ პოლიტიკურ პარტიას/ბლოკს, რომელიც მონაწილეობას იღებს 2016 წლის საპარლამენტო არჩევნებში შეუძლია განათავსოს მისი პროგრამა ამ ვებ-გვერდზე. ამისათვის, შევსებული კითხვარი (ჩამოტვირთეთ) გამოაგზავნეთ შემდეგ მისამართზე: contact@nimd.ge

ამ ვებ-გვერდის მიზანია ერთის მხრივ, საზოგადოებას გააცნოს 2016 წლის საპარლამენტო არჩევნებში მონაწილე პოლიტიკური პარტიების/ბლოკების ხედვები საზოგადოებისთვის მნიშვნელოვან საკითხებზე, ხოლო მეორეს მხრივ წაახალისოს კონკრეტულ სამოქმედო გეგმებზე ორიენტირებული, ინფორმირებული პოლიტიკური დისკუსია.