საქართველო, საერთაშორისო ურთიერთობათა სისტემის ობიექტის ნაცვლად, მის სუბიექტად უნდა ჩამოყალიბდეს, უსაფრთხოების სფეროში ჩვენი პოლიტიკის ძირითადი პრინციპი პრევენციული დიპლომატია გახდეს;
ქვეყნის უსაფრთხოების უზრუნველყოფის და განმტკიცების მიზნით, გამოირიცხოს ავანტიურიზმი საერთაშორისო ურთიერთობებში, საქართველო, დიდი სახელმწიფოების დაპირისპირების პოლიგონის ნაცვლად, თანამშრომლობის სივრცედ იქცეს;
ევროკავშირთან ურთერთობა მაქსიმალურად გაღრმავდეს;
ჩრდილოატლანტიკურ სივრცესთან თანამშრომლობა უნდა იყოს თანასწორუფლებიანი და უპირველეს ყოვლისა, ჩვენი ქვეყნის ეროვნული და სახელმწიფოებრივი ინტერესების გათვალისწინებაზე აგებული;
რუსეთთან ურთიერთობების ნორმალიზება მაქსიმალურად ინტენსიურად წარიმართოს;
რუსეთი უნდა დარწმუნდეს, რომ საქართველოს ტერიტორიიდან მას საფრთხე არ დაემუქრება;
საქართველომ ყოველმხრივ ხელი შეუწყოს სტაბილიზაციის პროცესს ჩრდილოეთ კავკასიაში. მშვიდობიანი და სტაბილური კავკასია საქართველოსთვისაც უმთავრესი პრიორიტეტია;
საქართველომ განამტკიცოს და გააღრმავოს ურთიერთობები მეზობელ სახემწიფოებთან და ყველა ჩვენი მოქმედება იყოს რეგიონში მშვიდობისა და სტაბილურობისაკენ მიმართული.
