საქართველოს სტრატეგიული პოლიტიკური, ეკონომიკური და უსაფრთხოების  ინტერესების რეალიზება უკავშირდება ნატო-ში და ევროკავშირში მზარდი ინტეგრაციის პროცესს, რომლის საბოლოო შედეგი უნდა იყოს სრულფასოვანი წევრობა. ამასთანავე, როგორც თავად ამ პროცესის წარმატება, ისე სრულფასოვან წევრობამდე პერიოდში ქვეყნის უსაფრთხოების და ეკონომიკური წინსვლის უზრუნველყოფა დამოკიდებულია ნატოსა და ევროკავშირის წამყვან სახელმწიფოებთან, უპირველეს ყოვლისა, ამერიკის შეერთებულ შტატებთან სტრატეგიული თანამშრომლობის გაღრმავებაზე.