• თბილისში დაინერგება პარკირების გამართული სისტემა;

• ერთიანი გეგმის შესაბამისად, განვითარდება ახალი საპარკინგე სივრცეები და მიწისქვეშა და მიწისზედა პარკინგების ინფრასტრუქტურა;

• შეიზღუდება ტროტუარებზე პარკირება;

• ცენტრალურ უბნებში შემოღებული იქნება საათობრივი პარკირება კომერციული ავტომობილების მფლობელებისა და გასართობი დაწესებულებების სტუმრებისათვის;

• ამოქმედდება ჯარიმების სამართლიანი სისტემა, მომზადდება პირობები, რათა  პარკირების მენეჯმენტი განხორციელდეს უშუალოდ მუნიციპალური სამსახურის მიერ.

თბილისის საგზაო ინფრასტრუქტურის გასაუმჯობესებლად მომდევნო 4 წლის განმავლობაში, განხორციელდება შემდეგი ინფრასტრუქტურული პროექტები:

• მტკვარზე აშენდება ახალი სახიდე გადასასვლელი, რომელიც ერთმანეთს დააკავშირებს გელოვანის გამზირსა და სამტრედიის ქუჩას;

• მოეწყობა გელოვანის გამზირისა და მ. მაჭავარიანის ქუჩის დამაკავშირებელი ორკილომეტრიანი, სამზოლიანი საავტომობილო გზა;

• აშენდება ვაშლიჯვრის დასახლებიდან გელოვანის გამზირზე ჩამოსასვლელი ესტაკადა;

• უნივერსიტეტი-თამარაშვილის კვანძის განსატვირთად, მდინარე ვერეზე აშენდება უნივერსიტეტის მაღლივი კორპუსისა და ბაგების დამაკავშირებელი ხიდი, აგრეთვე აშენდება ესტაკადა უნივერსიტეტისა და თამარაშვილის ქუჩების კვეთაზე;

• აშენდება თამარაშვილის ქუჩისა და ყაზბეგის გამზირის დამაკავშირებელი გვირაბი;

• აშენდება პანდუსი გალაკტიონის ხიდის მარცხენა სანაპიროზე;

• მოეწყობა კვანძი ცინცაძისა და კარტოზიას ქუჩების კვეთაზე;

• აშენდება ზემო და ქვემო ფონიჭალის დამაკავშირებელი გზა და გვირაბი;

• აშენდება ხიდი მტკვარზე, „დირსის" დასახლებასთან;

• აშენდება სტიქიის შედეგად დაზიანებული წყნეთი-ახალდაბის გზის ალტერნატიული ნაფეტვრები-ახალდაბის გზა;

• ჩატარდება საავტომობილო გზის რეკონსტრუქცია კახეთის გზატკეცილზე, აეროპორტის კვანძიდან ლოჭინის ხიდამდე;

• მოეწყობა კვანძი ბელიაშვილისა და ბალანჩინის ქუჩების გადაკვეთაზე;

• აშენდება რუსთავის გზატკეცილიდან ბოგდან ხმელნიცკის ქუჩის დამაკავშირებელი ხიდი და გზა;

• ჩატარდება მეტეხის გვირაბის რეაბილიტაცია;

• ჩატარდება სარაჯიშვილის გამზირზე გლდანულას ხიდების რეაბილიტაცია;

• მოეწყობა დიდი დიღომი-წერეთლის გამზირი-მარჯანიშვილის მოედნის 14-კილომეტრიანი დერეფანი;

• დიდი დიღომი-მეტროსადგური ,,უნივერსიტეტის" დერეფანი გადაკვეთს დიდუბეს და გაგრძელდება საბურთალოს ტერიტორიაზე ახალ სადგურამდე;

• აშენდება საბურთალო-ვაკე-გულიას ხიდი: ეს ხაზი შექმნის ძალიან საჭირო და სწრაფ კავშირს საბურთალოსა და ვაკეს შორის.