თბილისის მერია ხელს შეუწყობს თბილისში კულტურული ტურიზმის განვითარებას, რისთვისაც თბილისი უმასპინძლებს მუსიკალურ, თეატრალურ და კინო ფესტივალებს.

განხორციელდება პროექტი - Tbilisi Standing Performance, რომლის ფარგლებში, ქართული ფოლკლორის პოპულარიზაციისათვის, გაიმართება მუდმივი, ყოველდღიური წარმოდგენები ნიუ-იორკის, ვენის და სხვა დიდი ქალაქების მაგალითზე.

შეიქმნება ახალგაზრდული ცენტრები და ღია სივრცეები თბილისის ყველა რაიონში.

• ახალგაზრდულ ცენტრებში გაერთიანდება შემეცნების, დასვენების, გართობისა და მასობრივი სპორტის სივრცეები;

• ცენტრებში განთავსდება აუზი, ფიტნესდარბაზი, დარბაზები სპორტის სხვადასხვა სახეობისთვის, კალათბურთის და ფეხბურთის მოედნები;

• ღია სივრცეებში შესაძლებელი იქნება სხვადასხვა კულტურულ-საგანმანათლებლო აქტივობების დაგეგმვა, დასვენება, კულტურულ-შემოქმედებითი საღამოების, ღია საჯარო ლექციებისა და სემინარების ორგანიზება, კომერციული ინიციატივების დაგეგმვა და განხორციელება;

• გლდანის რაიონში, ყოფილი რადიოქარხნის ტერიტორიაზე, მოეწყობა კულტურულ-გასართობი ცენტრი „რადიოქალაქი", რომელიც გააერთიანებს კულტურულ, სპორტულ, საგამოფენო, გასართობ, რეკრეაციულ და კომერციულ სივრცეებს, კინოდარბაზებს, საბავშვო სათამაშო მოედნებს და მედიათეკას.