Partiebi.ge

ზაალ უდუმაშვილი

ჩვენი მოსახლეობისთვის უკეთესი საბინადრო პირობების შექმნა ყველა უბნის თანაბარ განვითარებას ნიშნავს. ადამიანებს კონკრეტული სერვისის მომსახურების მისაღებად თავიანთი უბნიდან შორს წასვლა არ უნდა უწევდეთ. ყველა რაიონში შესაბამისი მიზიდულობის ცენტრი უნდა შეიქმნას, როგორც კომერციული, ასევე სპორტული, კულტურული თუ სხვა მიმართულებით. ასევე მნიშვნელოვანია, რომ უშუალოდ უბნებში, საცხოვრებელ კორპუსებში შევქმნათ შესაბამისი მოწესრიგებული გარემო, კომფორტული ეზოები, სკვერები, ბაღები. სწორედ ეს ნიშნავს მოწესრიგებულ კომუნალურ ინფრასტრუქტურას კორპუსებში.

შემუშავდება ე.წ. „ხრუშოვკების" ეტაპობრივი ჩანაცვლების მექანიზმი სამმხრივი პარტნიორობის საფუძველზე: ინვესტორი, ქალაქის მერია, ბინათმესაკუთრეები;

ავარიული კორპუსების და სახლების რეაბილიტაციას ყოველწლიურად მოვახმართ 50 მილიონ ლარს. მოვაწესრიგებთ სადარბაზოებს, შევაკეთებთ ლიფტებს და სახურავებს. კეთილმოვაწყობთ სპორტულ მოედნებსა და ეზოებს;