სოციალური პოლიტიკა უნდა იყოს გამჭირვალე და სამართლიანი - თითოეულ ადამიანს მერიის ხელთ არსებული შესაბამისი რესურსით სარგებლობის თანაბარი შესაძლებლობა მიეცემა. დაფინანსება კონკრეტული მაღალჩინოსნის კეთილ ნებაზე არ უნდა იყოს დამოკიდებული. მნიშვნელოვანია არსებული პროგრამების განვითარება და ახალი პროგრამების დამატება.

• 200,000 ქულამდე სოციალურად დაუცველი თითოეული მოქალაქე ყოველთვიურად 50 ლარიან შემწეობას მიიღებს;

• დაფინანსდება ბავშვთა, მოზარდთა და შეზღუდული შესაძლებლობის მქონე პირთა ჯანდაცვის პროგრამები;

• წელიწადში  40,000 ლარზე ნაკლები შემოსავლის მქონე ოჯახის ახალშობილი 1,000 ლარით დასაჩუქრდება, ხოლო ასეთი ოჯახები ბავშვებისათვის მიიღებენ კულტურული, საგანმანათლებლო და სპორტული წრეების ვაუჩერებს;

• სოციალურად დაუცველთა ბაზაში მყოფ 200,000 სარეიტინგო ქულამდე მქონე ყველა სტუდენტს სრულად დავუფინანსებთ სწავლის საფასურს;

• სამჯერ გაიზრდება უფასო სასადილოების დაფინანსება.