ქალაქის საგზაო ინფრასტრუქტურის განვითარებისა და საცობებისგან განსატვირთად აუცილებელია მინიმუმ შემდეგი ინფრასტრუქტურული პროექტების განხორციელება:

• წყნეთი-სამადლოს დამაკავშირებელი საავტომობილო გზის აღდგენა;

• უნივერსიტეტის ქუჩის და ბაგების დამაკავშირებელი ხიდის მშენებლობა;

• თამარაშვილისა და უნივერსიტეტის ქუჩების გადაკვეთაზე საგზაო მოძრაობის ორ დონეზე მოწყობა ესტაკადით;

• გივი კარტოზიას ქუჩის, ბახტრიონის გვირაბის თამარაშვილის ქუჩასთან დამაკავშირებელი უსახელო გზის გადაკვეთაზე მოძრაობის ორ დონეზე მოწყობა;

• ვერის ხეობიდან გამომავალი ახალი მაგისტრალის გვირაბით დაკავშირება გმირთა მოედანზე არსებულ, ლაგუნასკენ მიმავალ გვირაბთან;

• სარაჯიშვილის ქუჩის (ვაშლიჯვარი) მარშალ გელოვანთან დაკავშირება ესტაკადით;

• მარშალ გელოვნის მოედანზე („ვეფხვი და მოყმესთან") საგზაო მოძრაობის ორ დონეზე მოწყობა (გვირაბით);

• გალაკტიონის ხიდის მარცხენა მხარეს (უშანგი ჩხეიძის ქუჩაზე ასასვლელი) პანდუსის მოწყობა;

• შეშელიძის და გობრონიძის ქუჩების კვეთასთან მოძრაობის ორ დონეზე მოწყობა (მუხიანიდან მოძრავი მანქანებისთვის);

• მარნეულის და რუსთავის გზატკეცილის ქვემო სამგორთან დამაკავშირებელი ხიდის აშენება მდინარე მტკვარზე.

ამავდროულად, რკინიგზის გადატანის შედეგად:

• სატრანსპორტო ნაკადებისგან სრულად განიტვირთება მიმდებარე ქუჩები; 2,000 მანქანა საათში მოაკლდება ქალაქის ცენტრალურ უბნებს;

• მოეწყობა თბილისის აღმოსავლეთის (კახეთის) და დასავლეთის (მცხეთის) მიმართულებების შემაერთებელი უმოკლესი საავტომობილო მაგისტრალი, რაც გააადვილებს გადაადგილებას, როგორც გამჭოლი, ისე ქალაქის ცენტრალური ნაწილიდან ორივე მიმართულებით;

• განვითარდება განივი სატრანსპორტო ქსელი, გაიზრდება საავტომობილო კავშირები და მისადგომობა. მოეწყობა რამდენიმე მნიშვნელოვანი ახალი კვანძი:  ბუხაიძის ქუჩა, გრანელისა და ლამის ქუჩების გადაკვეთა, ვახუშტის ხიდისა და დეპოს ქუჩა, სამტრედიის ქუჩა. შედეგად, მიმდებარე ქუჩები სრულად განიტვირთება სატრანსპორტო ნაკადებისგან;

• ისნის ხიდის მიმდებარე გზა გაიყოფა ორად, ერთი არტერია გაყვება არსებულ სარკინიგზო მაგისტრალს და შეუერთდება ახალ გამზირს.