www.partiebi.com 2012 წლიდან მოყოლებული რეგულარულად აქვეყნებს საქართველოს პოლიტიკური პარტიებისა თუ მერობის კანდიდატების წინასაარჩევნო შეხედულებებს ქვეყნისათვის მნიშვნელოვან პოლიტიკურ, ეკონომიკურ და სოციალურ საკითხებზე.
პროექტის მიზანია, პოლიტიკურმა გაერთიანებებმა ამომრჩეველს კონკრეტული, შედეგზე გათვლილი და ნათელი წინასაარჩევნო ხედვები შესთავაზონ, რის საფუძველზეც მას ინფორმირებული გადაწყვეტილების მიღების შესაძლებლობა ექნება არჩევნების დღეს. ამავე პროექტით გვსურს ხელი შევუწყოთ წინასაარჩევნო კონკურენციასა და დებატების რაციონალური, საქმიანი და პოლიტიკაზე ორიენტირებული დისკუსიების წარმართვას.
ამ ვებგვერდის საშუალებით შეგიძლიათ ერთმანეთს შეადაროთ საარჩევნო სუბიექტების ხედვები ცალკეულ, თქვენთვის საინტერესო საკითხებზე და/ან გაეცნოთ მათ სრულ საარჩევნო პროგრამას; სოციალური მედიის აპლიკაციებით კი შეძლებთ ადვილად გაავრცელოთ და იმსჯელოთ თქვენთვის საინტერესო იმ საკითხებზე, რომელთაც აქ იხილავთ.
ვებგვერდზე განთავსებული პასუხები დამუშავებულია პოლიტიკური პარტიების მიერ საჯაროდ გამოქვეყნებული პროგრამების მიხედვით. პლატფორმა განახლებადია და თითოეულ საარჩევნო სუბიექტს აქვს შესაძლებლობა განათავსოს საკუთარი ხედვები. იმედი გვაქვს, აქტიურად გამოიყენებთ ამ სასარგებლო რესურსს.
