ხელფასების ზრდა: არსებული ბიუჯეტის ზრდა მოგვცემს ხელფასების გაზრდის შესაძლებლობას. ყოველწლიურად საჯარო მოხელეებისთვის ხელფასები გაიზრდება 10%-ით. სტანდარტული ზრდის გარდა საბავშვო ბაღისა და სახელოვნებო და სპორტული სკოლების პერსონალისთვის იანვრიდან დაგეგმილია 100 ლარიანი ხელფასის ზრდა.
საჯარო სერვისებზე ხელმისაწვდომობა: 2028 წლამდე ყველა მუნიციპალიტეტი იქნება აღჭურვილი იუსტიციის სახლებით, რასაც დაემატება მობილური იუსტიციის სახლის პროექტები (ჯამში 133 იუსტიციის სახლი).
მიწის სისტემური რეგისტრაცია: დამატებით ბიუჯეტი იქნება გამოყოფილი მომდევნო წლების განმავავლობაში იმისათვის, რომ დამატებით 500,000 ნაკვეთი დარეგისტრირდეს შესაბამის მფლობელებზე.
