თბილისი ისტორიულად ასრულებდა კავკასიის საქმიანი ცენტრის ფუნქციას. ჩვენი ამოცანაა, გავაძლიეროთ თბილისის, როგორც ფინანსური და ბიზნეს ჰაბის იმიჯი, მოვიზიდოთ საერთაშორისო კორპორაციები და დავიმკვიდროთ რეგიონში ყველაზე მიმზიდველი ბიზნეს ქალაქის ადგილი. შემდგომი 4 წლის განმავლობაში მასშტაბური ბიზნესის მიზნობრივი მხარდამჭერი პროგრამით სრულად გარდავქმნით თბილისის ბიზნეს-ინფრასტრუქტურას.
ჩვენ შევქმნით 100 000 სამუშაო ადგილს მცირე და საშუალო ბიზნესის ხელშეწყობით, ქალაქგანვითარების მეგაპროექტებითა და ეფექტური მართვით.
თბილისი გახდება რეგიონის საინვესტიციო და დასაქმების ცენტრი, უახლოეს 4 წელიწადში მისი ბიუჯეტი გასამმაგდება - გაიზრდება 1 მილიარდ აშშ დოლარამდე.
კერძო და საჯარო (PPP) პარტნიორობის პროგრამების ფარგლებში შევქმნით სტარტაპერებისა და აქსელერატორების მხარდაჭერის სპეციალურ ფონდს, რომელსაც საერთაშორისო მმართველი კომპანიის მენეჯმენტი ეყოლება და ინოვაციურ ბიზნესპროექტებს წაახალისებს.
